#في_أمريكا_والدول_المتقدمة
كندا
بعد ستة سنوات من العيش في #كندا كطالب ماجستير ( في كالجري) ثم طالب دكتوراه (في مونتريال ) تبين لي بعض الحاجات كدة ( المذكور أسفل أكتر في كيبيك ):
- في أوروبا و #الدول_المتقدمة مش دايماً بياكلو مع الكباب طحينة!
-القوي ممكن #يبلطج عالضعيف عادي ( #الحكومة تبلطج عالناس و عالموظفين، الموظفين يبلطجو عالناس ، صاحب الشغل يبلطج علي اللي شغال عنده .. بلطجة معنوية في إطار ينظمه القانون و يحميه مش سحل جسماني ولكن سحل نفسي ونقدي !)
-نص الناس #جاهلة او #تافهة مش كلهم عباقرة ولا حاجة!
-الناس بتشرب #حشيش برضه عادي!
-الناس مش ماشية مزقططة و #فرحانة و بترسم قلوب و فراشات وبلالين ولا حاجة، #متكدرين و طالع بوز أبوهم من الشغل والذي منه !
-السما مش بتمطر #فلوس و اللي بيقبض قرشين كويسين بيكون صرف قبليها دم قلبه و بيبقي طالع عين اللي خلفوه شغل و ضرايب!
- الحكومة لما بتتزنق ... بتغلي الاسعار وتقلل ميزانية الصحة والتعليم والمواصلات ..إلخ... و #البنزين بالسعر العالمي و #المواصلات_العامَّة اللي المفروض مدعمة -دعمها محتاج #دعم ( مثلا تذكرة الاوتوبيس او المترو ب٣$ و ربع - يعني ب ٢٠جنيه مصري و بتخلص صلاحية التذكرة بعد ٩٠دقيقة) يعني الحكومة مش بتطبطب علي المواطنين و تبوسه من بقه و لا حاجة ..!
- في ناس برضو مش لاقية تاكل!
- في برضه ناس#حرامية و هَلِّيبه!
-#الواسطة موجودة وليها اسم شيك و هو #نيتووركينج!
- في #موظفين أغبياء و كسالي و بيوقفو المراكب السايرة و بدل ما اسمها فايزة و أنعام و نرجس اسمها ستيفاني و كورتني و جوليا! و بعد ماتدهولك الدنيا تقولك : "I know it's not your fault, but it is YOUR problem!"
-في #قوانين غبية و عقيمة و لا منطقية عادي !
-#المداهنة و #النفاق و العمل بمبدأ أُربط الحمار مطرح ما يعوز صاحبه و البلد اللي يعبدوا فيها العجل.. حِش و ادِّيله موجود... و ليه اسم شيك و هو #سوشيال_انتلچنس / #ايموشِنال_انتلچنس او الذكاء الاجتماعي/ العاطفي!
-#النفسنة و القَرّ و النبر موجودين!
-#الاستهبال و الاستعباط و البرشطة موجودين!
-التع**ص موجود و ليه اسم شيك و هو #الپروفيشوناليزم !
******يُتَّبَع
#في_السفر_سبع_فوايد
الأخوة محبي #حقوق_الإنسان استمتعوا بالفيديو ..
منقول من مصري عايش في كندا
No comments:
Post a Comment